Met die R59 tussen Parys en Vredefort wat bykans onrybaar geword het weens ernstige en groot slaggate, gebruik al meer motoriste die Schoemansdrift-pad as alternatiewe roete na Vredefort.

Maar ook dié pad het nou verskeie slaggate met heelwat meer verkeer as wat die pad voorheen gedra het.

Slaggate op veral die R59 van die N1 oorbrug tot by Kroonstad het motoriste al baie uit die sak gejaag weens skade aan bande en wielvellings, en is die vrees dat slaggate sal vererger met die reënseisoen wat voorlê.