Lambchamps lam toe uiteindelik R60 200 werd
Talle kaartjies is vir die fondsinsamelingsprojek vir Chrissanloo Huis verkoop nadat die wenlam aan Vrystaat Versorging in Aksie (VVA) geskenk is.
R60 200. Dit is wat die lamkarkas wat in September die rekordboeke by Lamb Champs Parys herskryf het toe dit by die Lamb Champs-veiling vir R30 000 aan Henning Pretorius van Losberg Lodge verkoop is, uiteiendelik werd is.
Die lam is deur Pretorius aan Vrystaat Versorging in Aksie (VVA) se Chrissanloo Huis in Parys geskenk waarvoor lootjiekaartjies verkoop is.
Die verkope van die lootjiekaartjies het R30 200 ingebring wat alles ten bate van Chrissanloo Huis gaan. Die gelukkige wenner van dié gesogte lam is E. Ferguson. Die wenlootjie is vroeër vandag getrek.
Chrissanloo het op 1 September sy deure oopgemaak as Huis van Veiligheid vir kinders wat weens omstandighede deur maatskaplike werkers uit hul ouerhuise verwyder moet word.
Dankie aan elkeen wat help kaartjies verkoop het en die projek ondersteun het.
