Twee atlete van Primêre Skool Parys, Anlé Beukes en Dominic Powell, het as deel van die Vrystaat-span aan Atletiek Suid-Afrika se Jeug Atletiekkampioenskappe in Potchefstroom deelgeneem.

Anlé eindig met ‘n skitterende agtste plek in die land na afloop van die finale uitdun vir die 600m dogters o9-item.

Dominic het op sy beurt aan die 60m, 80m en spiesgooi-items vir seuns o9 deelgeneem. Hy eindig 23ste in die 60m met ‘n nuwe persoonlike beste tyd van 8.90 sekondes, 22ste in die 80m, en sesde in sy spiesgooi-item (turbo javelin), ook met ‘n persoonlike beste afstand van 24.12m.