N 17-Jarige kind wat Kersvader gespeel het is in Ladybrand gevang met plastieksakkies vol dwelms wat as lekkergoed verkoop is.

Die polisie het onraad vermoed toe gesien is dat die Kersvader nie kinders nie, maar volwassenes as kliënte het.

Toe die polisie ondersoek ingestel het na die verdagte lekkergoed, het Kersvader die hasepad gekies.

Hy is gearresteer op n klag van dwelmhandel en in die sorg van sy ouers vrygelaat.

Daar is beslag gelê op 49 zip lock sakkies met Crystal Meth asook geld wat waarskynlik met die dwelmverkope gemaak is.