Die koper gedenkplaat wat ‘n tyd gelede verdwyn het van die senotaaf voor die stadsaal ter herdenking aan Parys-skoliere wat in die grensoorlog gesneuwel het, is voorverlede week vervang met ‘n granietsteen geskenk deur Chris Greeff, ‘n oudskolier van Hoërskool Parys.
Die plasing van die steen is gedoen deur Moth Johan de Vries en Gert Bezuidenhout in samewerking met Jan-Danie Malan van die Parys Kultuurnetwerk.

Die senotaaf is destyds voor die stadsaal opgerig ter nagedagtenis aan hulle wat in die distrik gevestig was, en in verskillende oorloë gesterf het.

Die gedenksteen op die besondere senotaaf voor die Parys-stadsaal ter nagedagtenis aan hulle wat in verskillende oorloë gesterf het.