Meter-slenter

Die publiek word gewaarsku dat daar tans iemand rondgaan by sakeondernemings in die dorp en beweer dat daar fout is met die onderneming se voorafbetaalde elektrisiteitsmeter.

Die persoon probeer dan met ‘n slinkse slenter mense kry om geld te betaal sodat hulle nie vir ‘n tydperk sonder krag sit nie.

Let daarop dat die persoon nie in diens van die munisipaliteit is nie, en dat sou jy genader word met die slenter dit raadsaam is om eers met die munisipaliteit se tesourie afdeling te skakel en die persoon se identiteit te bevestig alvorens jy enigeen aan jou elektrisiteitsmeter laat werk of enige gelde aan iemand betaal.