Dit sit nie in elke man se bene om 1 228,9km ver fiets te trap van Johannesburg na Jeffreysbaai nie, maar so groot soos wat dié uitdaging was, so ver was ook die doelwit om R120 000 vir Geopende Deure, in te samel.
NIe het het Adriaan die dertien dae fietstoer suksesvol afgelê en op 1 Mei sy eindbestemming bereik nie, maar is die totaal wat met die merkwaardige projek ingesamel is selfs meer as sy insamelingsdoelwit – ‘n totaal van R130 000 wat sy grootste verwagtinge oortref het, en steeds kom die geld in.
‘n Groot dankie aan elkeen wat hul harte oopgemaak het vir die projek om Geopende Deure te ondersteun. Geoepende Deure is ‘n internasionale, nie-winsgewende bediening wat ondersteuning aan vervolgde Christene wêreldwyd gee.
‘n Paar interessante feite oor Adriaan se fietstrap:
Totale aantal ure gery: 66,1
Gemiddelde spoed: 18,97km
Totale klim: 7318m
