Die storie van koerante by VLU-kuier vertel
Die VLU vroue kom weer op 6 Augutus bymekaar
Die plaaslike Vroue Landbou Unie (VLU) tak het met hul byeenkoms op 2 Julie gesels oor die ontstaan van koerante. Prof. Dawid Gericke van Die Kultuurkamer was die spreker, en het vertel van die rol wat koerante oor jare in die samelewing vervul, en die invloed van tegnologie op die gedrukte media.
Area 1 voorsitter Hanri Cilliers het ‘n draai kom maak, en daar is die oggend heerlik saamgekuier.
Die VLU vroue kom weer op 6 Augutus bymekaar. Jy hoef nie lid van die VLU te wees om die byeenkoms by te woon nie.
Interessante sprekers en demonstrasies is deel van die VLU se maandelikse byeenkomste, en jy sal beslis ‘n oggend saam met dié groep inspirerende vroue geniet.
As jy wil bywoon of navrae het oor die VLU, gesels met Annatjie Dreyer by 082 464 0204, of met Bernadet van der Ende by 082 474 0304.
