AfriForum se Parys-tak het die afgelope naweek paaie aangepak wat deurtrek was met slaggate. Dit het 13 mense en 70 sakke teer gevat om 50 slaggate in die dorp op te vul en te herstel. Die tak het veral gefokus op Breë-, Grens- en Schilbachstraat. Dit het lede byna twee uur gevat om die slaggate te herstel.
Schalk Burger, voorsitter van AfriForum se Parys-tak, sê die broodnodige herstelwerk gaan ’n wesenlike impak op die gemeenskap hê.
“AfriForum se Parys-tak wil ook die gemeenskap bedank vir hul inkoop in die projek en elke bydrae wat gemaak is, veral vir die gemeenskapslid wat toegesien het dat die werkers se lone ten volle betaal is. Hierdie soort ondersteuning en samewerking verseker dat die Parys-tak voortgaan om belangrike werk op die dorp te doen,” sê Burger.
