AfriForum se Viljoenskroon-tak het van 5 tot 7 Maart ’n aksie gehou waartydens ’n lang stormwatersloot in die dorp skoongemaak is. Hierdie sloot was al vir ’n geruime tyd met onder meer blare, gras en rommel verstop, wat veroorsaak het dat water in inwoners se erwe terugstoot.

Die gebied om die stormwatersloot – die groenstrook tussen Steyn- en Powriestraat – het ook ’n slaapplek vir haweloses geraak. Die tak het in hierdie gedeelte ingevaar en plantegroei oopgekap en skoongemaak vir beter sigbaarheid. Ongeveer 20 swartsakke, oftewel twee bakkievragte vol, is uiteindelik weggery nadat struike, onkruid en rommel verwyder is.

Die foto hierbo is geneem voor die groot skoonmaak. 

So lyk dit nou na die skoonmaak