Als wat koper is van kabels tot krane en naamborde, word weggedra. Toe begin diewe om watermeters  by die hordes te laat verdwyn, En nou is dit stoptekens.

Net vanoggend is twee kruisings gerapporteer waar stoptekens nou skitter in hul afwesigheid.

Dit veroorsaak nie net ‘n groot gevaar vir motoriste nie, maar vererger ook die probleem met talle stoptekens wat alreeds vir jare nie op hul plek is nie, of verweer en skaars leesbaar. Bowendien is daar by baie kruisings ook nie meer padmerke nie en gaan dit soos dit is al sukkel-sukkel om te koes tussen slaggate.