Vir bykans 80 kinders was daar verlede week alles behalwe ledige vakansie ure. Dié kinders het deelgeneemm aan die KidsGames-vakansieprogram, spesifiek gemik op laerskoolkinders om die evangelie aan jong kinders te verkondig deur speletjies, kuns, musiek en meer.

Die program is van Dinsdag tot Vrydag in die kerksaal van die NG gemeente Parys-Wes aangebied. Hoewel Every Nation Faith City die dryfveer agter die program is, is dit ‘n gemeenskapsprojek waarby verskeie kerke betrokke is.
Die kinders het die spanbou, oefening saam met die span van Kragapie, karakterbou, dans en sportaktiwiteite baie geniet.

Ouers kon ook Vrydag die afsluitingseremonie bywoon waar die spankrete gehoor en sertifikate uitgedeel is.