Ses mans studente, tussen die ouderdomme van 19 en 24 jaar, is Saterdag deur GAP Management Security-beamptes gearresteer nadat hulle glo ’n selfgemaakte petrolbom na die Universiteit van die Vrystaat se sekuriteitswagkamer by hek 2 in Badenhorststraat gegooi het.

Die studente sal vandag in die Bloemfonteinse landdroshof verskyn op klagte van die opsetlike beskadiging van eiendom, het luitenant-kolonel Thabo Covane gesê.