‘n Stop/ry-beheerpunt ter wille van verhoogde Paasnaweek-verkeersvolumes, is ingestel op die R59 tussen Parys en Vredefort, waar ‘n kontrakteur besig is met herstelwerk aan slaggate. Dit is egter belangrik dat jy stadig en baie versigtig hier sal ry.

Herstelwerk aan die gedeelte van die R59 sal na die Paasnaweek hervat word.

Daar kan ook steeds van die Schoemansdrift-pad as alternatiewe roete na Vredefort gebruik gemaak word. Let egter op slaggate op die Schoemansdrift-pad, sowel as ‘n gedeelte van die pad se teervlak
wat gesak en ‘n sloot gevorm het weens swaar reën verlede week en swaar voertuie wat die pad moes gebruik as gevolg van die sluiting van die R59 tussen Parys en Vredefort. Daar is ook water onder die pad. Bestuur uiters versigtig en stadig hier.

Met die stop/rybeheerpunt op die R59 kan motoriste verkeersvertragings verwag, asoook wanneer die pad weer gesluit sal word om herstelwerk te hervat. Verkeer sal dan weer net buite Parys in die rigting van Vredefort van die R59 via die Schoemansdrift-pad herlei sal word.

Let op padtekens wanneer die pad gesluit sal word, sowel as vir die stop/rybeheer.