Daar is niks wat kom by uitstaande kliëntediens nie. Juis daarom gee MooiVaal Media, eienaar van Parys Gazette, vir die derde jaar agtereenvolgens, lesers die geleentheid om deel te neem aan ‘n projek om erkenning te gee aan uitblinker-sakelui in Parys.

Nominasies is reeds oop en kan jy die ondernemings in Parys wat vir jou uitstaan as dit kom by diens by uitnemendheid aanlyn nomineer by die volgende skakel – https://www.citizen.co.za/parys-gazette/2026-best-of-parys/

Nominasies sluit 4 Mei.

Ons dorp se sakegemeenskap speel ‘n deurslaggewende rol om werk te skep, en die dorp se ekonomiese wiele aan die rol te hou. Deur middel van die Best of Parys Readers’ Choice Awards gee ons erkenning aan besighede wat met toewyding, integriteit, harde werk en uitstekende dienslewering ‘n goeie naam in Parys opgebou het – hetsy dit koffiewinkels, restaurante, gastehuise, apteke, eiendomsagentskappe noem maar op – of enige ander private onderneming is.

Onthou die kompetisie is in digitale formaat en net nominasies wat aanlyn gedoen word, sal aanvaar word.

Jy kan besighede in verskeie kategorieë nomineer.

Sodra nominasies gesluit het, sal lesers aanlyn stem vir die wenners van die onderskeie kategorieë.