Die Streekhof in Vrede het die Zimbabwe-burger, Felix Magatu (44), tot sewe jaar gevangenisstraf gevonnis vir peuter/beskadiging van noodsaaklike infrastruktuur, en sewe jaar gevangenisstraf vir die diefstal van ru-olie uit ‘n Transnet-pyplyn. Hy is ook onbevoeg verklaar om ’n vuurwapen te besit.

Volgens Valke-woordvoerder, luitenant-kolonel Zweli Mohobeleli, is sekuriteitspersoneel op 25 September 2023 in kennis gestel van die diefstal van die ru-olie op ’n plaas naby Memel. Die polisie het daarna twee verdagtes gearresteer en is twee voertuie teruggevind.

Die beskuldigdes het die Transnet-pyplyn beskadig om die ru-olie ter waarde van meer as R600 000 te kon steel.