Potchefstromers rou na die dood van ‘n geliefde prokureur in die stad. Sanet Ras (71) het onlangs haar stryd teen kanker verloor.

Sanet is toegelaat as prokureur in 1984 en is ook toegelaat as transportbesorger en notaris in 1995. Sy het vir die afgelope 40 jaar in die opstel van testamente, trusts en die bereddering van bestorwe boedels gespesialiseer. Sanet was nooit getroud nie, maar het ‘n aangenome seun, Vernon, gehad.

Daniel Richardson, van Sanet Ras Prokureurs, wat nou die leisels sal oorneem, sê Sanet was ‘n absolute professionele persoon in haar veld.

“Sy het vir dekades lank in Potchefstroom gepraktiseer en was ‘n huishoudelike naam. Dit was sulke voorreg om saam met haar te kon werk.”

‘n Gedenksdiens sal Saterdag, 5 April om 11:00 vir Sanet by die Gereformeerde Kerk Potchefstroom Oos in Rocherstraat gehou word.