Huisbraak en diefstal is ’n groot probleem in die Bult area.
Volgens kapt. Mvula Chaka, polisiewoordvoerder, het dié misdaad op die Bult baie toegeneem.
Hy het inwoners gewaarsku om nie waardevolle besittings soos selfone, kameras en skootrekenaars naby oop vensters te los nie.
“Baie van die items word ook uit voertuie gesteel. Hierdie items moenie in die kar gelaat word waar kriminele dit kan sien nie,” sê hy.
Die polisie het ekstra patrollies in die area ontplooi. Volgens Chaka is hulle ook besig met stop en soek operasies om moontlike gesteelde goedere te vind. Hy het inwoners gemaan om meer versigtig te wees en om deure te sluit al is inwoners in die huis.
Enige inligting oor misdaad kan aan die polisie se radio beheerkamer deurgegee word. Die nommer is (018) 299 7477 anders kan 10 111 geskakel word.