ʼn Boom het vanoggend (21 Desember) in Kampstraat omgeval, nadat ʼn inwoner die munisipaliteit sedert Sondag teen die gewaarlike situasie gewaarsku het.

Volgens Allister Spannenberg, inwoner in Kampstraat, het hy die munisipaliteit Sondag ingelig oor ʼn boom wat gaan om val. Hy het dit herhaaldelik rapporteer en selfs gister (20 Desember) foto’s gestuur waar daar duidelik gesien kan word dat die boom enige oomblik kan om val.

Vanoggend het die boom finaal geval, elektriese drade is in die proses beskadig.

“Die boom blok nou die oprit na my huis toe, gelukkig is daar geen skade nie.  Dit kon baie erger gewees het.  Ek is nou by die werk so ek weet nie of hulle al die boom kom verwyder het nie, ” het Spannenberg gesê.

Die Herald het navraag gedoen by die munisipaliteit maar teen publikasie nog geen terugvoer ontvang nie.