‘n Man is dood en twaalf mense is beseer toe twee voertuie ongeveer 10 km buite Potchefstroom op die N12 met mekaar gebots het.
Paramedici van ER24 het vanoggend (27 Julie) omstreeks 05:30 op die toneel gekom waar die een voertuig langs die pad gevind is. Die minibus het sowat 500 meter verder gestaan.
Die oorledene is deur paramedici buite die voertuig gevind.
Twaalf ander pasiënte, wie almal in die minibus was, is op toneel vir verskeie beserings behandel waarna hulle na Potchefstroom Hospitaal geneem is vir verdere behandeling.

Plaaslike owerhede was op die toneel om verdere ondersoek in te stel.