‘n Gedeelte van Allen Hendricksestraat in Promosa, die pad wat lei na die stortingsterrein, is vandag (21 November)  weens protesaksies afgesper.

Bourommel is in die pad gestort en motorbande aan die brand gesteek sodat voertuie nie die stortingsterrein kan bereik nie.

Die protesaksie hou verband met ‘n tender wat aangewys is om die rommel tussen Dassierand en Promosa op te ruim. Onwettige storting vind sedert die begin van die jaar hier plaas.

Inwoners van Promosa is woedend en beweer die JB Marks munisipaliteit is onregverdig in die manier waarop hulle tenders aanwys. Martin Booysen praat namens die ontevredenes in die video.