Laerskool Baillie Park spog met vier tweelinge wat verlede Woensdag, 12 Januarie hulle eerste skooldag in Graad 1 begin het.

Hierdie oulike graad 1’s is in die bevoorregte posisie om sommer op dag een al ‘n maatjie te hê.

Nicolas en Amia van der Walt, Jani en Tiané de Bruyn, Carli en Bernard Grobler, asook Miandi en Keila Farmer is die vier tweelinge by Baillies.

Susan Cilliers van Netwerk 24 berig dat hierdie leerders verskeie beroepe wil beoefen wat ‘n ingenieur, ‘n wildbewaarder, ‘n veearts en ‘n “juffrou” behels.

Ongeveer 145 blink-oog Graad 1’s is by Baillie Park vanjaar ingeskryf.

Daar word steeds Covid-19 maatreëls toegepas met leerders wat maskers dra, gereeld saniteer en by hul eie tafel sit.