Potchefstroom se plaaslike swemmers het weer eens bewys dat prestasie in hulle DNS is met puik uitslae tydens die SA junior en senior swemkampioenskappe wat vanaf 14 tot 18 April in Port Elizabeth plaasgevind het. Gimmies se Chazél Orton, Alexia Delicado, Joël Kriek, (almal (Potch Swemklub) sowel as Jack Cameron en Juandré Uys (albei NWU Swemklub) was absoluut uitstekend.
Orton spog met drie goue medaljes (sowel as drie nuwe NW rekords) in die o.16 ouderdomsgroep. Sy het ook vier silwer en een brons behaal. Kriek behaal vyf goue medaljes sowel as twee silwer, terwyl Uys ook twee goue medaljes behaal. Delicado spog met drie silwer en een bronsmedalje, terwyl Cameron drie bronsmedaljes losgeswem het.
Volkies se Ewald Bartleman en Pieter Jacq du Toit (albei Potch Swemklub) het hul ook goed van hul taak gekwyt. Bartleman behaal 10 medaljes wat uit een goud, vier silwer en vyf brons bestaan. Pieter-Jacq behaal een silwer en een bronsmedalje.
Die studente behaal ook top uitslae in hulle NW-kleure met Marné Meier (NWU Swemklub), Morné van der Bank (NWU Swemklub) en Potch Swemklub se Idelé du Toit, William Stephen-Slaughter en Theo Ferreira wat uitblink. Du Toit samel ‘n indrukwekkende 14 medaljes in.
Marné Meier 50m borsslag (goud) 100m borsslag (goud) 200m borsslag (goud) 
Morné van der Bank
Senior: 200m rugslag 2de (silwer)
Idelé du Toit
Jeug: 200 vlinderslag (goud), 400 IM (goud), 200 IM (goud), 50 rugslag (brons), 50 borsslag (goud), 400 vryslag (silwer), 200 vryslag (brons), 50 vryslag (brons), 100 vlinderslag (silwer), 200 rugslag (brons) 
Senior: 200 vlinderslag (silwer), 400 IM (silwer), 200 IM (brons), 400 vryslag (brons)
Theo Ferreira
Jeug
400 vryslag (silwer), 200 vryslag (silwer), 100 vlinderslag (silwer) 
William-Stephen Slaughter
Jeug
100 rugslag (brons), 200 vryslag (brons), 50 rugslag (brons) 100 vlinderslag (goud)
Seniors 100 vlinderslag (brons)
Gimmies: Alexia Delicado (o.15): 100m vlinderslag – silwer, 50m rugslag – silwer, 50m vlinderslag – silwer, 100 m rugslag – brons
Joël Kriek (o.15): 50m rugslag – goud, 100m rugslag – goud, 100m vlinderslag – goud, 200m IM – goud, 400 m IM – goud, 200m vlinderslag- silwer, 200 m rugslag – silwer
Chazél Orton (o.16): 200m vryslag – goud (NW-rekord van 1995 gebreek), 400m vryslag – goud (NW-rekord van 1994 gebreek), 800 m vryslag – goud (NW-rekord van 2003 gebreek), 100m rugslag – silwer, 200m rugslag – silwer, 200 m IM – silwer, 400m IM – silwer en 100m vryslag – brons
Jack Cameron (o.16): 50m borsslag – brons, 100m borsslag – brons en 200m IM – brons 
Juandré Uys (Youth nationals): 50m borsslag – goud en 100m borsslag – goud. 
