Drie van Laerskool Baillie Park se boogskietskuts het hulle uitstekend van hul taak gekwyt by die AGA-SA kampioenskappe in die Paarl.
Al het Baillies in April vanjaar met boogskiet eers begin, het van die leerders vroeg bewys dat hul ‘n talent vir hierdie sport het.
Baillies se skuts het die leer geklim en gewys hulle wil die hoogste sport bereik.
Gerhard Maritz het deel gevorm van die Noordwesspan vir juniors, bekend as die Penkoppe. Die Penkoppe het ‘n eerste plek as provinsiale span behaal. Gerhard het huis toe gekom met ‘n goue medalje vir die provinsiale wenspan.
Baillies se ander twee skuts het as individue die skool verteenwoordig. Bendré Hendrikse stap met ‘n silwer medalje weg vir sy tweede plek as Graad 6 seun in die land die Bullseye-kompetisie.
David Knoetze behaal ‘n derde plek vir Graad 4 seuns in die Bullseye-kompetisie en neem met hierdie prestasie ‘n brons medalje huis toe.
