Laerskool Randfontein (Ram) glo in ontwikkeling en vooruitgang.
Volgens die skakelbeampte van Ram, Annie Nolan, is die skoolterrein besig om groot veranderings te ondergaan beide tegnologies en esteties.
Sy vertel dat die Graad 7-leerlinge van 2013 fondse ingesamel het en ‘n Wi-fi netwerk aan die skool geskenk het.
“Dit verander die skoolterrein in ‘n Wi-Fi ‘Hotspot’.
“Leerlinge en personeel het toegang tot die netwerk deur koordlose tegnologie en kan die netwerk vir verskeie doeleindes gebruik,” vertel Annie.
Sy vertel verder dat die Departement van Onderwys tablets aan die skool geskenk het, wat deur die leerlinge in enige klas gebruik kan word, vir navorsing, take, lesse en kreatiewe leerwerk.
Die Inligtingsentrum is ook toegerus met nuwe rekenaars wat die leerlinge ‘n groter geleentheid bied om met die nuutste tegnologie te werk.
“Die helfte van die skool se kommunikasie met die ouers en leerlinge word ook digitaal gedoen deur die D6 School Communicator.
“Goeie kommunikasie is van kardinale belang vir die effektiewe bestuur van die skool.
“Daar word daagliks foto’s en interessanthede op die skool se Facebookblad gelaai en ons staan al op 500 ‘likes’ en groei daagliks.
Besoek ons webblad en Facebookblad as jy al die opwindende gebeure by Ram wil sien,” vertel Annie.
