Talle kleuters van Little Angels Daycare het hulself gate uit geniet tydens twee spesiale gaste se onlangse besoek.
Op Saterdag 12 November het die kleuters van dié dagsorg lekker saam met die bekende Sonja Heroldt en Tjokker die Hond baljaar. Hulle was saam op die verhoog en het die gehoor behoorlik vermaak.
Ons het sommer baie lekker saam met hulle konsert gehou. Die ouers en hul kinders het vir Sonja en Tjokker vreeslik baie geniet,” het Chevonne Buitendag, eienaar van Little Angels Daycare vertel.
Die gehoor het verskeie bekende treffers soos Handjies in die lug, Siyabonga Baba en Mighty God saam met Sonja, Tjokker en die kleuters geniet.
Volgens Chevonne het almal wat die konsert bygewoon het, saam gesing en gedans.
“Ek kan met trots sê dat die oggend sonder twyfel ‘n reuse sukses was,” het Chevonne ten slotte gesê.
Het jy dalk meer inligting rakende dié storie? Stuur gerus vir ons ‘n e-pos na randfonteinherald@caxton.co.za (sluit asseblief kontakbesonderhede in) of skakel ons by 011 693 3671.
Vir daaglikse gratis gemeenskapsnuus aan die Wes-Rand, besoek ook ons susterkoerante se webtuistes Roodepoort Record, Krugersdorp News en Get It Joburg West Magazine
Besoek ook ons Facebook, Twitter en Instagram blaaie om jou stem te laat tel!
