Hoërskool Westonaria spog met ‘n slimkop in Rekeningkunde.
Sbonelo Ntombela, ‘n Graad 9-leerder het onlangs aan die Rekeningkunde Olimpiade deelgeneem en met die wentrofee weggestap. Hy het boonop ‘n groot prys losgeslaan.
Sbonelo het ‘n beurs ontvang en vertrek op 23 Junie om twee weke lank aan die Harvard-universiteit te studeer. Dit is ‘n private navorsingsuniversiteit in Cambridge, Massachusetts wat in 1636 gestig is en een van die mees gesogte universiteite ter wêreld is.
“Al die onkoste vir sy reis is betaal,” het skoolwoordvoerder Elmarie de Kock gesê.
Die skool is baie trots op Sbonelo se prestasie en wens hom alles van die beste toe met sy avontuur.
Het jy dalk meer inligting rakende dié storie? Stuur gerus vir ons ‘n e-pos na randfonteinherald@caxton.co.za (onthou asseblief om jou kontak besonderhede by te voeg) of skakel ons by 011 693 3671.
Vir daaglikse gratis gemeenskapsnuus aan die Wes-Rand, besoek ook ons susterkoerante se webtuistes
Besoek ook ons Facebook, Twitter en Instagram blaaie om jou stem te laat tel!
