Die maats van Melktandjies Kleuterskool het op 23 September Erfenisdag gevier, en was hulle nie te oulik nie!

Daar was beslis iets van alles – van vellies tot krale – en die maats was baie opgewonde om met hul klere en kultuur te spog.

Volgens Karin Korf, die eienaar van Melktandjies Kleuterskool, was almal baie vrolik. “Die ouers het soveel moeite gedoen om hul kulture uit te beeld en die kinders was baie bewus van hulle kleredrag; hulle het dit ook met mekaar vergelyk. Die ouers het tradisionele kossoorte saamgestuur, wat ook baie vrae en nuuskierigheid uitgelok het.”  

Karin het vertel dat daar ook gesels is oor wat kultuur beteken. “Dit is baie belangrik om ons kleingoed op te voed en hulle te leer waar hul wortel geplant is.”