Die Jesus Ladies-gebedsgroep van Toekomsrus het onlangs hul jaarlikse afsluiting gehou en hulle hoop vir 2026 gedeel.

Op 13 November het die groep byeengekom vir ‘n spesiale afskeidgeleentheid wat, volgens lid Veronica Smith, ‘n groot sukses was en selfs kuiergaste ingesluit het.

Gedurende die jaar het die groep gereeld bidure georganiseer, en aan die einde van elke maand het vroue van verskillende kerke in Toekomsrus saamgekom om te bid. Die groep het ook huisbesoeke onderneem.

Hulle sien nou uit na nuwe uitdagings in 2026 en nooi die gemeenskap uit om by hul gebedsgroep aan te sluit.