Die Randfontein Publisiteitsvereniging (RPA) bied vanjaar weer hul Kersliggiekompetisie aan, om inwoners met die blinkste Kersliggies te beloon.

Volgens Matiam van Vuuren, ’n lid van die RPA, vind die kompetisie op 5 Desember plaas in samewerking met Carols by Candlelight en die Kersliggierit.

Tydens die rit deur die dorp sal beoordelaars, wat spesiaal aangewys is, op verskeie punte staan om die fietse, motors en huise te beoordeel.

Hierdie jaar is daar drie kategorieë: beste fietse, beste motors en beste huise. Daar is drie pryse beskikbaar in sowel die fiets- as motorkategorie. Die huiskategorie word verder verdeel in deelnemend en nie-deelnemend, met drie pryse vir elk.

Die wenners van die fietskategorie sal reeds dieselfde aand aangekondig word, terwyl die wenners van die motor- en huiskategorieë eers in Januarie bekend gemaak word.

Vir meer inligting, kontak Matiam by 084 411 2512.