Dit gaan oor Jesus – Rappies-leerder
Opgewonde Rappie-leerders oor hul liefde vir Paasfees en wat hulle gaan doen hierdie langnaweek.
Die Paashaas het ‘n draai by Laerskool Rapportryer gemaak om te hoor hoekom hul so baie van Paasfees hou.
• Lees ook: Dominee Van Wyk oor Paasfees
“Ek is baie opgewonde om vir Paaseiers te soek. Ek hou baie van Paasfees want ek kan lekker saam met my maats speel,” het Gabby Rodrigues vertel.
Nog ‘n opgewonde leerder, Isabella Rodrigues, het vertel dat Paasfees haar gunsteling is.
“Dit gaan oor Jesus en ek hou baie van Jesus. Paasfees is lekker want almal kan saam speel,” het Isabella uitgedruk.
Luché Lubbe het gesê, “Dit is baie lekker want dan is dit vakansie en ek kan baie tyd saam met my familie spandeer.”
“Ek hou daarvan dat ons eiers kan gaan soek. Ek wil hierdie Paasfees saam met my sussies en niggies spandeer,” het Lucia Lubbe genoem.
Rosie Legote sien baie uit om malvalekkereiers te eet saam met haar familie en maats.
“Ek dink altyd aan Liewe Jesus wat op die kruis doodgegaan het om ons sondes weg te spoel. Ek dink altyd daaraan wanneer ek ‘n Paaseier vashou,” het Karli Dreyer opgemerk.
