Laerskool Randfontein se graad een-leerders het onlangs hul eerste sportdag beleef, met opwinding duidelik sigbaar.

Op 16 Januarie het die graad een-leerders aan verskeie atletiekitems deelgeneem tydens RAM se graad een-atletiekdag.

Organiseerder Robbie van Coller het gesê die dag was ’n groot sukses, danksy die entoesiastiese deelname van leerders en ouers.

“Elke leerder het aan die einde van die dag as ’n wenner gevoel,” het Robbie gesê.

Hy het bygevoeg dat sommige leerders gekies is om aan die skool se huissportkompetisie deel te neem, wat op 19 Januarie plaasgevind het.