Pasop! Hier kom Jannas se o.16-jukskeikampioene
Vier o.16-dogters van Jannas het die skool en dorp se naam hoog gehou in jukskei toe hulle as ligawenners aangewys is.
Die hoë standaarde wat Hoërskool Jan Viljoen in jukskei stel, en die harde werk om daaraan te voldoen, het vrugte afgewerp.
In Augustus het die spelers aan die skoleliga deelgeneem en die o.16-dogters is as ligawenners aangewys. Die dogters is Dalèèn Nel, Qraine Nel, Kay-Leë Maree en Talita Steyn.
Verskeie ander spelers is ook geïdentifiseer om die Wes-Rand tydens Bondedag te verteenwoordig. Dit is ‘n jaarlikse byeenkoms waar spelers van reg oor Suid-Afrika met mekaar meeding. Dit word vanjaar in Boksburg aangebied. Dié spelers is Dylon Broodryk, Ryno Pienaar, Ruan Steyn, Tiaan Fourie, Qraine, Talita en Dalèèn.
Op Saterdag, 9 September het Jannas se o.16-dogters aan die Noordvaal Skole Jukskei-kampioenskappe deelgeneem. Die dogters het met ‘n silwermedalje weggestap. Dalèèn is as uitblinker vir die dag aangewys.
Jannas is baie trots op sy bobaas-jukskeispelers.
