Lede van die RandMark Hardloop-, Stap en Fietsryklub is op Saterdag, 26 Februarie tydens hul jaarlikse prysuitdeling vereer.

Klubwoordvoerder Lee Kotze het vertel alhoewel die pandemie en regeringsregulasies dinge moeilik gemaak het, het die klub sy bes gedoen om deelname en aktiwiteite moontlik te maak en op die ou einde erkenning aan sy lede te gee.

Dit maak dinge moeilik om spesiale pryse uit te deel aangesien daar in al vier dissipline wat RandMark aanbied nie wedlope op wedrenne kon plaasvind nie, daarom is RandMark gedwing om ‘n verkorte weergawe van die jaarlikse prysuitdeling te hou.”

Sy het vertel dat dit steeds ‘n lekker aand was waartydens klublede oor hul hoogtepunte vir die jaar met mekaar kon gesels en met hul trofeë en pryse spog.

“Alhoewel ons baie klublede verloor het as gevolg van Covid-19, heers daar tog ‘n goeie gees en groot opgewondenheid oor die jaar se aktiwiteite wat beplan word.”

Hier is ‘n paar van die toekennings wat gedoen is:

• Yolandi Botha – Beste vordering getoon in fietsry

• Nico Smit – Tweede algeheel vir mans (padfiets)

• Louisa Douglas – Komiteelid (sekretaresse)

• Jan-Hendrik Visser – Komiteelid: kroeg- en klubhuisbestuurder

• Bertie Nel – Rots van RandMark, en ontvang erekleure vir sy drie jaar ononderbroke diens as bestuurslid. Hy is ook ‘n komiteelid, die tesourier, statistikus, klub- en ‘n kroegbestuurder

• Beulah Botha – Meeste tydtoetse gedoen (29) en klubkampioen (dames – hardloop)

• Clement van der Merwe – Klubkampioen (mans – hardloop)

• Christo Hegter – Klubkampioen (mans – stap)

• Lee Kotze – Meeste klubaande bygewoon (dames), die klubkampioen (dames – padfiets), tweede algeheel (dames – bergfiets), en is ‘n komiteelid en mediaverteenwoordiger

• Komiteelede vir 2022 is Jan-Hendrik Visser, Bertie Nel, Lee Kotze, Paul Kotze, Jan Kotze, Louisa Douglas. Afwesig: Lizeth Rowan, Nico Smit en Lanese Forbes