Teine beloon rugbysterre
Randfontein Rugbyklub se jaareindfunksie het gesorg dat talle spelers se prestasies gedurende vanjaar se seisoen erken word.
Randfontein Rugbyklub se rugbysterre is onlangs tydens ‘n jaareindfunksie vereer.
Op 29 November het die afrigters, spanbestuurders en spelers ‘n beloning ontvang vir die jaar se harde werk by die spoggeleentheid.
Die uitblinkers van die jaar is as volg:
• Mees verdienstelike lid: André Pretorius
• Persoon wat die meeste inisiatief getoon het: Johan Lensley
• Spesiale toekenning (Senior Burger): Christo Hugo
• Beste spanbestuurder(s): Hendrik van Loggerenberg en Marshall Wright
• Afrigter van die Jaar: Alwyn Lee
• Erekleure: Joe Bootha
Teine se eerste span is aangekondig as die vriendelikste span terwyl die derde span met die erkenning as die beste presterende span weggestap het toe hulle die Groot Pirates Uitdaagreeks-titel ingepalm het.
Azile Gqoloda het Sportmangees vir die Jaar gewen vir die senior en junior kategorie.
Chenique Groenewald het die beste vorderingstitel in die dameskategorie gewen terwyl Kuster Matyalana en Michael Bester met die junior kategorietitel weggestap het. Jacques Rautenbach het die beste vorderingstitel in die senior kategorie verwerf.
Rudi Marx het vanjaar die meeste drieë gedruk met ‘n totaal van 16 en Janco Tiedt het die meeste punte aangeteken met ‘n totaal van 191 punte.
Cazandra van Dyk het Sportvrou van die Jaar gewen terwyl Sims Ngcutha Sportman van die Jaar in die junior kategorie gewen het. Sportman van die Jaar, in die senior kategorie, is Michael Tolmay. Die Spelers se Speler van die Jaar-titel is deur José Dias gewen.
“Weereens baie geluk aan al die wenners,” het bemarkingsbeampte Rika Rabé afgesluit.
