Krieketklub vier sterre en stel nuwe leiers aan
Benewens Randfontein Krieketklub se sterspelers wat by die toekenningseremonie vereer is, het die klub ook hul nuwe komiteelede voorgestel.
Verskeie sterspelers was in die kollig en is vir hul uitstaande bydraes beloon tydens Randfontein Krieketklub se senior prysuitdeling.
Volgens klubwoordvoerder Marsha Coetzer was die spelers die afgelope seisoen besonders kompeterend, en die prysuitdeling het gewys dat hul harde werk vrugte afgewerp het.
Die hoogtepunt van die aand was die toekenning van Senior Speler van die Jaar, wat aan John van Rensburg toegeken is vir sy indrukwekkende prestasies.
Die toekennings vir die seisoen is as volg:
Kolwers
• Prem B – Riaan Delport
• Pres A – Linaldo Phillips
• Su4 – Corné Nel
• SA2 – Riaan Delport
• Black Widow – Ernst Louw
• Macrocomm – Ernst Louw
Boulers
• Prem B – John van Rensburg
• Pres A – Marchant Pretorius
• Su4 – Regard Lubbe
• SA2 – John van Rensburg
• Black Widow – Michael Montgomery
• Macrocomm – Danie Button
Benewens die prysuitdeling is die jaarvergadering gehou, waartydens Tertius Bootha as nuwe vise-president ingestem is. Ernst Louw is as klubkaptein aangewys en het beloof om die klub met trots en deursettingsvermoë te lei.
Die res van die lede wat by die vergadering ingestem is, is as volg:
• President: Jimmy Reynolds
• Tesourier: Rison Woodcock
• Sekretaresse: Yolanda Klop Zaayman
• Krieket direkteur: Jaco Viljoen
• Juniors verteenwoordiger: Johan Koen
• Senior verteenwoordiger: Sam Tsabalala
• Bemarking: Marsha Coetzer
Vir meer inligting, kontak Jaco Viljoen by 084 771 1139.
“Die klub sien met groot opgewondenheid uit na ‘n nuwe seisoen vol krieketaksie en nuwe hoogtepunte,” het Marsha afgesluit.
