SKOOL: Eldos toneel presteer in prestige kompetisie
Eldoraigne se toneelspelers het gewys dat hulle egter vir geen privaatskool hoef terug te staan nie.
Hoërskool Eldoraigne het twee toneelstukke gehad wat vandeesmaand aan die 13e Festival of Excellence in Dramatic Arts (FEDA) in Johannesburg deelgeneem het.
Dramatiese kunste is een van die hoërgraad vakke wat deesdae baie aftrek by Eldoraigne kry, en dit is verseker te danke aan die hoë standaard kompetisies waaraan hulle deelneem. FEDA is een daarvan.
Hoërskool Eldoraigne was van die skole wat vir die tweede jaar uitgenooi was om deel te neem.
Skole word slegs genooi na aanleiding van die reputasie van hul drama departement.
’n Uitstaande prestasie in eie reg omdat FEDA ’n toneelkompetisie is waarin hoofsaaklik Engelse privaatskole mekaar die stryd aan sê.
Eldoraigne se toneelspelers het gewys dat hulle egter vir geen privaatskool hoef terug te staan nie, en het nege nominasies en ’n verdere drie toekennings ingepalm tydens hierdie fees met hul Afrikaanse produksies iGeneration en EDEN.
Die EDEN toneelstuk het die toekennings vir beste beligtingsontwerp, beste choreografie en beste nuutgeskrewe teks ingepalm
Dit was ook aangewys as een van die top ses toneelstukke (vanuit 65 ander stukke) van die fees.
Daar is leerlinge wat aan FEDA deelgeneem het, wat al selfs in London en Los Angeles gaan studeer het.
Eldoraigne se toneelspelers is dus bestem vir groot dinge.
Het jy dalk meer inligting rakende dié storie? Stuur gerus vir ons ‘n epos na [email protected] of skakel ons by 083-625-4114.
Vir jou daaglikse gratis gemeenskapsnuus, besoek Rekord se webwerwe:
Besoek ook ons Facebook, Twitter en Instagram blaaie.
