Liefde wink tydens Valentynsbal

Romantiese musiek, vloeiende sjampanje en ’n watertand vyfgangmaaltyd was aan die orde van die dag by die Popup Diamanté Valentynsbal.

Dié deftige bal is op Vrydag by Union Caterers, Utopia Place, in Pretoria aangebied en die prag van die geleentheid het beloof om enige man of vrou met ’n veer om te tik.

Die beminde Heinz Winckler en ander bekende kunstenaars het gesorg vir vermaak deur die loop van die aand.

Rekord was trots om deel van dié glansgeleentheid, wat deur Popup (People Upliftment Programme) aangebied was, te wees. Popup gee al vir die afgelope 14 jaar vir duisende werklose mense ’n nuwe toekoms.