Derde aanval op Boschkop-kleinhoewe
Egpaar in hul huis oorval en aangehou in die derde aanval in die Ooste van Pretoria.
Wat veronderstel was om ’n rustige Dinsdagoggend te wees het in ’n nagmerrie ontaard toe twee verdagtes toegang tot ’n huis op ‘n kleinhoewe in Boschkop bekry het.
Die verdagtes het glo deur ’n venster geklim wat geen diefwering opgehad het nie. Hulle het ’n man en vrou, albei in hul 40’s, met kabels vasgebind en hulle met vuurwapens aangehou terwyl hulle glo die huis geplunder het.
Die voorval het omstreeks 03:00 plaasgevind.
Die verdagtes het met die egpaar se Toyota Fortuner en derduisende rand se besittings weggekom. Kaptein Marissa van der Merwe het gesê die voertuig is later die oggend in Mamelodi-Wes gekry, maar al die gesteelde goedere was weg.
Die egpaar kon daarin geslaag om die polisie omstreeks 04:30 na dié toneel te onbied. Die polisie het die voertuig omstreeks 06:30 gevind.
Volgens Van der Merwe is niemand tydens nie die voorval beseer nie, die egpaar het slegs effe skaafwonde aan hul gewrigte opgedoen soos wat hulle hulself bevry het.
Die verdagtes is steeds op vrye voet.
Dit is die derde voorval die afgelope twee weke waarin inwoners van die omgewing op ‘n geweldadige wyse dood is.
Dit volg kort na die moorde van die bejaarde egpaar, Louis Swanepoel (82) en sy vrou Sandra (80). Hul seun het Vrydag op hul bebloede lyke in hul huis by Mooiplaats, Oos van Pretoria afgekom.
Twee weke gelede is Charles Groenewald tydens ‘n rooftog in sy huis doodgeskiet. Hy het homself probeer verdedig en een van sy aanvallers – na bewering ‘n polisiereservis van KwaNdebele – doodgeskiet.
Lees ook>
Tergende geheime om die Swanepoel moord
Rower en bejaarde skiet mekaar dood
