Steve Hofmeyr by vakansiehuis beroof

Die omstrede sanger Steve Hofmeyr is vroeg Woensdagoggend in sy vakansiehuis by die see beroof.

Hofmeyr het die nuus omstreeks 04:00 op sy Twitter-profiel aangekondig: “Sopas beroof in ons vakansiehuis. Die stank hang nog in die huis.”

Hy het later getwiet: “Dankie almal. Ons is so effe ‘ontspoor’ maar veilig. Hondjies het dadelik geblaf. Sover is ons nuwe TV & Xbox (en SAPS) nog soek.”

Volgens sy jongste twiet is almal ongedeerd.

Dit is nie seker waar Hofmeyer met vakansie was nie.

Hy het op 29 Desember getwiet: “Voete op. Oseaan in sig. Biertjie gepop. Braai kraak. Gaan my 7 dae vat om te besef ek hoef niks te doen of êrens te wees nie. Mmmm.”

Vir meer nuus, besoek Rekord se Facebook-blad of volg ons op Twitter.