Bonnie en Clyde verskyn in die hof
Bonnie en Clyde se saak van diefstal is uitgestel vir verdere ondersoek.
Corlia Kruger
Die sogenaamde Bonnie en Clyde van Montana het Vrydagoggend in die landdroshof in Pretoria-Noord verskyn.
Petro Robinson (51) en haar man James (57) word daarvan aangekla dat hulle ‘n klant besteel het.
Hul verhoor is tot 12 Januarie uitgestel vir verdere ondersoek. Albei is uit op borgtog.
Petro is glo verlede maand op kamera betrap waar sy R200 000 in kontant uit ‘n klant se motor buite ‘n dobbelplek gesteel het.
Sy het na bewering die geld in ‘n kartondoos toe in haar eie voertuig gelaai.
Die egpaar het glo in Montana sake gedoen waar hulle sonkragprodukte verkoop het.
Petro is eerste aangekeer. Haar man is in hegtenis geneem na aanleiding van beeldmateriaal wat glo daarop dui dat hy bewus was van die diefstal.
Die egpaar word daarvan verdink dat hulle ook ander klante beroof het.
Lees ook:
Besigheidsvrou steel glo duisende
Het jy dalk meer inligting rakende dié storie? Stuur gerus vir ons ‘n epos na editorial@rekord.co.za of skakel ons by 072 435 7717.
Vir jou daaglikse gratis gemeenskapsnuus, besoek Rekord se webwerwe:
Besoek ook ons Facebook en Twitter blaaie.
- Ons wil hê jy moet altyd weet wat in jou gemeenskap aangaan. Stuur ‘n epos met die woorde ‘Teken aan’ na breakingnews@rekord.co.za vir jou gratis daaglikse nuusflits.
