Vyf vasgetrek in Akasia
“Gelukkig was daar ’n padblokkade en die metro-polisie kon ingryp om hulle vas te vat.”
Vyf mense is Vrydag in Akasia aangekeer na pogings om by twee huise in te breek.
Akasia-inwoners, gemeenskapspolisieëringsforums en metro-polisie het saamgespan om hulle omstreeks 13:00 in hegtenis te neem.
“Twee is by ’n huis in Chantelle, Akasia vasgekeer. Dit was een van twee huise in die omgewing waar hul probeer inbreek het,” sê Tienie Vorster, voorsitter van die Amandasig Aksie Groep (AAG).
Drie verdagtes in ’n Volkwagen Caravelle het die inwoners en GPF probeer ontwyk.
“Van ons AAG-lede het die voertuig gevolg tot in Strubenstraat. Gelukkig was daar ’n padblokkade en die metro-polisie kon dadelik ingryp en help om die misdadigers voor te keer.”
Die drie in die voertuig is saam met die ander twee na Akasia-polisiekantoor gebring.
Lees ook:
Pretoria-vrou sterf in ongeluk op pad na musiek-optrede
OPVOLG: Roekelose bestuur ondersoek na vrou baba verloor
Het jy dalk meer inligting rakende dié storie? Stuur gerus vir ons ‘n epos na editorial@rekord.co.za of skakel ons by 072 435 7717.
Vir jou daaglikse gratis gemeenskapsnuus, besoek Rekord se webwerwe:
Besoek ook ons Facebook en Twitter blaaie.
- Ons wil hê jy moet altyd weet wat in jou gemeenskap aangaan. Stuur ‘n epos met die woorde ‘Teken aan’ na breakingnews@rekord.co.za vir jou gratis daaglikse nuusflits.
