Potchefstroom Herald het berig dat ‘n huis in Bailliepark op 24 November omstreeks 02:00 beroof is. Een van die slagoffers van die roof, ‘n 18- jarige vrou is tydens die rooftog verkrag.
Volgens Brig. Sabata Mokgwabone het twee jong vroue en ‘n man by die huis aangekom waarna hulle deur vier gewapende verdagtes oorval is. Twee van die verdagtes het glo vuurwapens gehad en die ander twee het messe gehad. Die drie slagoffers is in die huis ingevat waar hulle vasgebind is, sê Potchefstroom Herald.
“Die verdagtes het die huis geplunder waarna een van die verdagtes ‘n 18-jarige vrou verkrag het,” het Mokgwabone gesê.
Die verdagtes het in die slagoffers se voertuig gevlug. Die polisie ondersoek sake van huisroof en verkragting. Daar is nog niemand in hegtenis geneem nie, sê Potchefstroom Herald.
Lees meer oor hierdie storie op Potchefstroom Herald.
Het jy dalk meer inligting rakende dié storie? Stuur gerus vir ons ‘n epos na editorial@rekord.co.za of skakel ons by 072 435 7717.
Vir jou daaglikse gratis gemeenskapsnuus, besoek Rekord se webwerwe:
Besoek ook ons Facebook en Twitter blaaie.
