NUUSFLITS: Pretoria vrou se angs na aanval in huis
“Sy het ’n geluid gehoor soos iemand wat met die deur se slot peuter. Toe sy opstaan om te gaan kyk, het hulle haar in die gang oorweldig.”
’n Vrou is Woensdagoggend in haar Garsfontein-huis deur rowers oorval.
Peet Möller sê sy dogter, Lorraine, is omstreeks 01:00 deur vier mans in haar huis oorweldig en vasgebind.
“Sy het die aand gewerk. Sy was besig om drie webblaaie vir haar besigheid te ontwerp,” sê Möller.
“Sy het ’n geluid gehoor soos iemand wat met die deur se slot peuter. Toe sy opstaan om te gaan kyk, het hulle haar in die gang oorweldig.”
Lees ook: Pub shooting an armed robbery
Möller sê Lorraine is vasgebind en onder ’n tapyt toegemaak.
“Sy kon niks sien, maar het alles gehoor terwyl hulle die huis geplunder het,” sê hy.
“Haar selfoon, rekenaar waarmee sy die webblaaie ontwerp, nog rekenaars, skootrekenaars, al haar ‘back-ups’ en eksterne hardeskywe, PSP’s, Xbox’e en TV’s is gevat.”
Möller sê sy dogter se klere, juweliersware, bankkaarte en identifikasiedokumente is ook gebuit.
“Hulle het toe met my dogter se motor, ’n Mercedes-Benz A180 Avantgarde, met registrasienommer HVP 370 MP, weggekom.”
Lees ook: BREAKING NEWS: Man shot in house robbery
Möller sê: “Genadiglik het hulle nie vir Lorraine seergemaak nie en haar net gelos. Met al die trauma en polisie-ondersoek, het my dogter vir 36-uur nie ’n oog toegemaak nie.”
Hy vra dat Pretoria-inwoners op die uitkyk sal wees vir haar gesteelde motor.
Het jy dalk meer inligting rakende dié storie? Stuur gerus vir ons ‘n epos na editorial@rekord.co.za of skakel ons by 083 625 4114.
Vir jou daaglikse gratis gemeenskapsnuus, besoek Rekord se webwerwe:
Besoek ook ons Facebook, Twitter en Instagram blaaie.
- Ons wil hê jy moet altyd weet wat in jou gemeenskap aangaan. Stuur ‘n epos met die woorde ‘Teken aan’ nabreakingnews@rekord.co.za vir jou gratis daaglikse nuusflits.
