Vonke het gespat toe hoë boomtakke met kragdrade in Hornstraat, Pretoria-Noord slaags geraak het.
Só sê inwoners wat Maandagaand, 8 Januarie ’n harde knalgeluid gehoor het oomblikke voor ’n groot gedeelte van Pretoria-Noord en die Wolmer-omgewing sonder elektrisiteit gelaat is.
LEES OOK: Tshwane invests to curb power outages
Inwoner en wykraadslid Yolanda Duvenage het omstreeks 22:07 die kragonderbreking aangemeld en elektrisiëns na die toneel ontbied.
“Hewige winde het veroorsaak dat die hoë boomtakke teenaan die drade die krag uitgeskop het,” sê Duvenage.
Sy sê herstelspanne het vroeg Dinsdagoggend begin om takke in Horn-, Deetlefts- en Veldkornet Roosstraat te snoei.
“Ongelukkig sal herstelspanne eers die hoë boomtakke moet verwyder voor die krag aangeskakel kan word,” sê Duvenage.
“Ons skat die krag sal rondom 13:00 weer aan wees, maar sal inwoners intussen op hoogte hou.”
LEES OOK: Power outages in Pretoria following storm
Het jy dalk meer inligting rakende dié storie? Stuur gerus vir ons ‘n epos na editorial@rekord.co.za of skakel ons by 083 625 4114.
Vir jou daaglikse gratis gemeenskapsnuus, besoek Rekord se webwerwe:
Besoek ook ons Facebook, Twitter en Instagram blaaie.
