OPVOLG: Meer vrae as antwoorde oor lyk in kattebak in die noorde
Die 53-jarige is vermoedelik in Kameeldrift vermoor.
Twee mans verskyn volgende Woensdag weer in die hof oor ’n lyk wat in ’n kattebak in Montana gekry is.
André Oosthuizen en Wouter Byneveldt is dié week deur Sinoville se polisie in hegtenis geneem.
Die twee word aangekla van die moord van Craig Stephens (53).
Stephens is Sondagoggend dood aangetref in die bagasieruim van ’n Volkswagen Jetta in Sefako Makgatho-rylaan.
Die motor was skynbaar in ’n ongeluk.
LEES OOK: NUUSFLITS: Man vas oor lyk in motor in Montana
Bystanders wat eerste op die toneel was, het polisie ontbied.
Sinoville-polisiewoordvoerder adjudant-offisier Johan van Dyk sê die motor het nog gestaan en luier, maar daar was geen bestuurder in sig nie.
Polisie het die voertuig deursoek en op Stephens se lyk afgekom.
Oosthuizen en Byneveldt is ure na dié ontdekking aangekeer.
Die motief vir Stephens se moord is nog onbekend. Die vermoede is dat hy in Kameeldrift vermoor is.
LEES OOK: Tweede moordverdagte vas oor lyk in motor in Montana
Het jy dalk meer inligting rakende dié storie? Stuur gerus vir ons ‘n epos na editorial@rekord.co.za of skakel ons by 083-625-4114.
Vir jou daaglikse gratis gemeenskapsnuus, besoek Rekord se webwerwe:
Besoek ook ons Facebook, Twitter en Instagram blaaie.
