Overkruin se top matrieks van 2018
Hoërskool Overkruin spog met 82.4% leerders wat slaag met universiteitsvrystelling.
Hoërskool Overkruin spog met hul beste matrikulante van 2018.
Die skool pryk met 82.4% van sy leerders wat slaag met universiteitsvrystelling en 15 leerders met ’n gemiddeld bo 80%.
Die skool is ook trots op puik vakgemiddelde in rekeningkunde (79%), musiek (88%), fisiese wetenskappe (68%), visuele kuns (68%), Engels eerste addisionele taal (70%), Afrikaans huistaal en eerste addisionele taal (60%), wiskunde (63%) en toerisme (66%).
Die top leerders blink uit met ’n hele paar onderskeidings.
Dian Crous (82.14% gemiddeld), Laura de Wet (82.43%), Brian Green (83%), Stelmarié le Roux (81.29%), Marlise van de Pypekamp (81.57%) en Rodé Visser (84.71%) spog elk met vyf onderskeidings.
Marjoné Bekker (82.43%), Leon Büre (83.14%), Annay du Plessis (84.71%), Jessie Invernizzi (87.29%), Dylon Strijdom (86.57%) en Johan Swart (83.71%) behaal elk ses onderskeidings.
Stefanie Odendaal is die skool se toppresteerder en spog met ’n uitstekende gemiddeld van 91.29% en sewe onderskeidings.
Haar vakke sluit in: Afrikaans huistaal (86%), Engels eerste addisionele taal (94%), fisiese wetenskappe (94%), lewensoriëntering (91%), lewenswetenskappe (93%), rekeningkunde (95%) en wiskunde (93%).
Monique Pretorius pryk ook met sewe onderskeidings en ’n gemiddeld van 89.86%.
Sy spog met onderskeidings in Afrikaans huistaal (80%), Engels eerste addisionele taal (86%), fisiese wetenskappe (95%), lewensoriëntering (96%), lewenswetenskappe (88%), musiek (88%) en wiskunde (96%).
Karien Nel is kort op haar hakke met ’n gemiddeld van 88.71%.
Sy behaal sewe onderskeidings in Afrikaans huistaal (80%), Engels eerste addisionele taal (90%), fisiese wetenskappe (89%), lewensoriëntering (92%), lewenswetenskappe (90%), ingenieursgrafika en -ontwerp (86%) en wiskunde (94%).
Die skool se graad 7-inligtings- en sterreaand vind op 5 Februarie by die skool plaas.
Het jy dalk meer inligting rakende dié storie? Stuur gerus vir ons ‘n epos na editorial@rekord.co.za of skakel ons by 083-625-4114.
Vir jou daaglikse gratis gemeenskapsnuus, besoek Rekord se webwerwe:
Besoek ook ons Facebook, Twitter en Instagram blaaie.
