VLU Pretoria-Noord reik uit na slagoffers in KZN
Pretoria Noord se Vroue Landbou-Unie-lede het onlangs ’n plaaslike onderneming ondersteun met donasies aan slagoffers van plundery en geweldadige betogings.
Na aanleiding van die onlangse geweldadige betogings en plundery in KwaZulu-Natal, het lede van die Vroue Landbou-Unie (VLU) Pretoria-Noordtak besluit om ’n plaaslike onderneming te steun wat hulp verleen aan slagoffers in dié geteisterde provinsie.
“Ons het besluit om Stephan Corthing van Ultimate Stationery in Van der Hoffweg te ondersteun toe hy sy personeel en voertuie beskikbaar gestel het om nie-bederfbare voedsel by twee geleenthede te vervoer na KZN,” sê takvoorsitter Hester Botha.
Maandag, het Botha en VLU-sekretaresse Luna Schoeman, 60 bottels en 60 sakkies “Hope in a Jar” (rys, sopmengsel, soppoeier en sojavleis in ’n koffiebottel) na die onderneming gebring om saam met ander gemeenskapskenkings te vervoer na KZN.
Botha sê die produk in die bottels en sakkies is nie-bederfbaar en kan eenvoudig net met kookwater gemeng word om dan ses tot agt mense (per bottel of sakkie) te voed.
“Die skenking van die sakkies is aan ons VLU-tak gemaak deur AfriForum trauma. Die bottels is self opgemaak deur ons VLU-lede.”
Botha sê die skenkings was Woensdag op pad na afleweringspunte in Durban.
“Indien enige dames meer inligting wil bekom oor die VLU, skakel my gerus by 082 324 9730.”
Personeel by Ultimate Stationery sê “tonne” skenkings is reeds vervoer na KZN en meer inligting sal later gegee word na afloop van die suksesvolle aflewerings.
Do you have more information about the story?
Please send us an email to editorial@rekord.co.za or phone us on 083 625 4114.
For free breaking and community news, visit Rekord’s websites: Rekord East
For more news and interesting articles, like Rekord on Facebook, follow us on Twitter or Instagram
