Die kat kom weer… terug na verligte Moot-inwoner na twee jaar

In ’n buitengewone wending het ’n Gezina-inwoner op sy verjaarsdag ’n wonderwerk beleef toe sy geliefde kat, Mocha, na twee jaar teruggekeer het huis toe.

Nadat Mocha verdwyn het, is daar wyd na hom gesoek, maar daar is naderhand aanvaar dat hy gesteel is en Hans du Plessis het begin dink hy sal hom nie weer sien nie.

Maar laat verlede maand het ’n mede Gezina-inwoner dié kat in sy tuin opgemerk.

Wick Booyse word deur Du Plessis beskryf word as ’n ware engel, wat uitgereik het met die goeie nuus.

“Dit is ’n wonderwerk sonder twyfel. Ek voel geseënd dat Mocha my gekies het om hom te help om by die huis te kom,” sê Booyse.

Met geduld en sorg het hy uiteindelik daarin geslaag om die kat te nader en Du Plessis se kontakbesonderhede op sy naamplaatjie te lees, wat tot die vreugdevolle herontmoeting gelei het.

Die reis na hierdie hereniging was nie sonder sy deel van hoop en onsekerheid nie.

Du Plessis meen die storie begin by ’n kapel in Frankryk.

“Die Chapel Chauteau De Lalande word op die oomblik restoureer en daar word sterre in die kapel se dak verkoop om vir die herstelkostes te betaal. Daar is sewe beskermheiliges in die kapel en elk het ’n gedeelte van konsellasie sterre in die dak.

“Percy Attfield, ’n vriend van my het ’n paar ekstra sterre gekoop en een daarvan vir my gegee. Ons het toe die ster in die sterrebeeld van St. Felix opgedra aan Mocha.”

Die gebed is opgedra aan St. Felix, die beskermheilige van verlore diere, maar selfs met hul hoop, het die werklikheid van Mocha se terugkeer soos ’n ontmoontlike droom gelyk.

Noudat Mocha egter weer veilig terug is, dien die wonderbaarlike herontmoeting as ’n aangrypende herinnering dat wonderwerke wel gebeur.

Terwyl Du Plessis die proses navigeer om Mocha weer by sy huis te herintegreer, wat nou vier nuwe katte insluit, betuig hy sy hartlike dankbaarheid aan almal wat ondersteuning en vriendelikheid gebied het gedurende hierdie tyd.

Hy gee spesiale erkenning aan die deernisvolle Booyse wat na Mocha tydens sy afwesigheid gesorg het, Percy Attfield en natuurlik vir St. Felix self.

Du Plessis moedig die publiek aan om verlore diere aan te meld.

“Mense moet weet dat as hulle vreemde of verlore diere sien, hulle hierdie diere gratis by enige veearts kan laat skandeer vir ’n skyfie. Daar is ook verskeie groepe op Facebook waar jy kan foto’s plaas van diere wat verlore of gevind is. Elke bietjie help.”

Het jy dalk meer inligting rakende dié storie? Stuur gerus vir ons ‘n epos na  bennittb@rekord.co.za of skakel ons by 083-625-4114.

Vir jou daaglikse gratis gemeenskapsnuus, besoek Rekord se webwerf: Rekord

Besoek ook ons Facebook, Twitter en Instagram blaaie.