Zwartkop-toneelstuk by Atterbury Teater te sien

Hoërskool Zwartkop se toneelstuk, Ikarus en die Songvanger het die eer ontvang om deel te neem aan Aardklop se Pronk Podium.

Die toneelstuk is deur na die Pronk Podium semi-finaal en finaal.

Die toneelstuk sal Donderdag opgevoer word in Pronk Podium vir Hoërskole by die Atterbury Teater.

Deelname het vanjaar die hoogte ingeskiet met indrukwekkende getalle, soos volg:

– Pronk Pret: 11 Skole / 14 Toneelstukke / ongeveer 210 deelnemers

– Pronk Podium: 27 Skole / 72 Toneelstukke / ongeveer 720 deelnemers

– Kampus Toneel: 30 Toneelstukke / ongeveer 150 deelnemers.

Ikarus en die Sonvanger sal Donderdag, 1 September op die planke wees.

Danksy die ondersteuning van veral NWU Kunste, Atterbury Trust, Atterbury Teater en NATi is hierdie één projek wat steeds groei en nou nasionaal uitbrei.

Pronk Pret is daar vir laerskole (nog ’n eerste landswyd), Pronk Digitaal vir aanlyn inskrywings, Pronk Podium vir tieners en studente, en sedert Augustus 2021 is daar ook ’n YouTube-reeks hieroor.

Wenners van Pronk Pret, Pronk Podium en Pronk Digitaal tree dan ook op by vanjaar se Momentum Beleggings Aardklop in samewerking met NWU Kunste, NATi & Atterbury Trust op Sondag, 9 Oktober by Laerskool Louw Geldenhuys in Linden, Johannesburg.

Die beoordeelaars en mentors, sluit gesoute akteurs en teatermakers in soos Alexa Strachan, Kaz McFadden, David Brink, Adriana Faling,
Mila Guy, Simoné Pretorius-Nortmann, Luan Jacobs, Lee Visagie, Vianney Farmer en Carina Nel.

Teatergangers word genooi om hierdie innoverende teaterfees te ondersteun en by te woon.

Semi-finaal en Finaal in die Atterbury Teater Pretoria vanaf 29 Augustus tot 3 September.

Kaartjies is beskikbaar by atterburytheatre.co.za en www.seatme.co.za.

Het jy dalk meer inligting rakende dié storie? Stuur gerus vir ons ‘n epos na editorial@rekord.co.za of skakel ons by 083-625-4114.

Vir jou daaglikse gratis gemeenskapsnuus, besoek Rekord se webwerf: Rekord

Besoek ook ons Facebook, Twitter en Instagram blaaie.